煲呔曾小器嬲出面

呢條友鍾意擺官威和小九氣都唔係第一日架啦

17/07/2008

立法會主席范徐麗泰尋日主持完答問大會後，就正式完成使命，不過佢日前醒政府高官唔好聰明反被聰明誤砼說話，尋日續有下文，煲呔曾鏡頭前話好重視呢番話，鏡頭後就刻意唔同范太交流，明眼人都知佢小器到出晒面。

唔同主人家范太傾偈
尋晚立法會議員舉行晚宴，煲呔曾六點四十五分至到，宴上煲呔曾冇同主人家范太傾過偈，到富貴黨叫佢同范太一齊影相，煲呔曾先勉強露出笑容，影完就即刻彈開，拉住白鴿黨單仲偕傾偈。

一到七點鐘，煲呔曾就即刻鬆人，連唐唐同鬍鬚曾都齊齊唔參加晚宴，三個高官都唔畀面立法會，咁樣算係乜禝行政、立法關係修好呀？聽聞，佢疉係寧願去「煲呔針」鄭經翰個六十大壽晚宴，都唔參加立法會告別晚宴。

相反范太尋日就顯得落落大方，仲話日前對行政機關砼評語，報紙寫到好大，嚇親佢，所以佢收口秡，做「縮頭烏龜」。