真情‧假意‧定機會主義？

橋王芬自創「義工儲印花」

呢排九龍西活動頻密九龍城區議員「鼠王芬」梁美芬，身為城大法律系授級人馬，絕對係中產兼專業人士，但佢近排就玩基層，繼滅鼠後，又去最窮深水區體會民生實況。

「鼠王芬」一連兩日探訪多戶貧窮家庭，佢話貧困家庭好多都捉襟見肘，但佢希望自力更生，不過好多係單親家庭，為照顧小朋友唔可以做，所以佢變身「橋王」，自創「做義工儲印花」計劃，提議做義工儲印花，鼓勵貧窮戶做義工，集齊一定數量印花後，可以換唔同獎勵，好似交通券、書券、甚至電腦咁。

佢仲話，自己做主席西九新動力會籌募六位數字款項做扶貧政策基金，試係咪可行，仲話籌款唔係問題。出錢出力之餘，佢又不斷強調自己來自基層，令到街坊好受落。